Rise Challenge 2024 აპლიკაციების მიღება დაიწყო!
კონკურსი, რომელსაც მსოფლიოში ანალოგი არ აქვს, ქართველ ახალგაზრდებს იწვევს მონაწილეობის მისაღებად.
რა არის Rise?
Rise Challenge იმ ახალგაზრდების აღმოჩენისა და მხარდაჭერისთვის შეიქმნა, რომლებსაც აქვთ მისწრაფება, რეალობა უკეთესობისკენ შეცვალონ და კაცობრიობის პრობლემები გადაჭრან – იქნება ეს კლიმატის ცვლილებასთან, განათლებასთან, ჯანმრთელობასთან თუ ციფრულ გამოწვებებთან დაკავშირებული.
Rise ეძებს და პოულობს 15-დან 17 წლამდე პერსპექტიულ ახალგაზრდებს და აძლევს მათ შესაძლებლობას – დაეხმარონ სხვებს. საპასუხოდ კი აძლევს სერიოზულ ბენეფიტებს: საჭიროებებზე დაფუძნებულ სტიპენდიებს, მენტორობას, Rise-ის მსოფლიო “networking” ქსელში ჩართვას, კარიერულ განვითარებაზე წვდომას და სხვა.
არ აქვს მნიშვნელობა, სად ცხოვრობ, როგორი აკადემიური წარსული ან გამოცდილება გაქვს, თუ ხარ დაინტერესებული მეცნიერებით, ხელოვნებით, ტექნოლოგიებით, სოციალური საქმიანობით თუ სხვა ნებისმიერი დისციპლინით – რაიზის კარი შენთვის ღიაა!
ვის შეუძლია მონაწილეობის მიღება?
Rise Challenge 2024 მონაწილეობის მისაღებად საჭიროა:
იყო 15-დან 17 წლამდე ახალგაზრდა (ამ ასაკს უნდა აკმაყოფილებდე 2024 წლის 1 ივლისის ჩათვლით);
გქონდეს იდეა, რომელიც ერთდროულად გამოავლენს შენს ტალანტს და დაეხმარება ადამიანებს გლობალურად თუ მცირე მასშტაბით;
დარეგისტრირდე რაიზის გვერდზე ამ ბმულით: www.risefortheworld.org/democracy-lab;
შეავსო საკონკურსო აპლიკაციის ფორმა რაიზის ვებგვერდზე.
იდეა, რომლითაც კონკურსში მონაწილეობას გადაწყვეტ, უნდა ეხმიანებოდეს გამოწვევებს, რომლის წინაშეც შენი ქომიუნითი ან ზოგადად, კაცობრიობა დგას! არ აქვს ნიშვნელობა რა ფორმით გადაწყვეტ მოცემული პრობლემის მოგვარებას – იქნება ეს ხელოვნება, ტექნოლოგიები, მეცნიერება თუ სხვა. Rise მზად არის, მოგისმინოს. გასული წლების გამარჯვებულებისა და მათი პროექტების სანახავად შეგიძლია www.risefortheworld.org – ს ეწვიო.
შენი და შენი თანატოლების იდეათა ჯახში გამარჯვებულები შემდეგ პრიზებს მიიღებთ:
Rise-ის გამარჯვებულთა საერთაშორისო სამიტზე დასწრება პროექტის სხვა გამარჯვებულებთან ერთად, სრული დაფინანსებით;
საჭიროების შემთხვევაში უმაღლესი განათლების დაფინანსება, მსოფლიოს მასშტაბით, სასურველ უნივერსიტეტებში;
ფინანსური მხარდაჭერის მოპოვებაში დახმარება იდეის განხორციელებისათვის;
საწყისი ტექნოლოგიური საჭიროებები;
ნეთვორქინგ ქსელში ჩართვა.
რაც ყველაზე მთავარია, ბენეფიტები, რომლებსაც გამარჯვებულები მიიღებენ, ერთჯერადი არ არის – Rise მთელი ცხოვრების განმავლობაში გააგრძელებს გამარჯვებულთა მხარდაჭერას!
გაითვალისწინე, განაცხადის შევსება და პროექტის წარდგენა მიმდინარეობს ინგლისურ ენაზე, რისთვისაც დრო 17 იანვრამდე გაქვს.
დამატებითი ინფორმაციისთვის თვალი ადევნეთ imitom.ge-ს და გაწევრიანდით სპეციალურად კონკურსისთვის შექმნილ ჯგუფში: https://www.facebook.com/groups/1341304023145326/ სადაც აპლიკაციის ყოველი ფეხის ნაბიჯზე დაგეხმარებიან.